मिति २०७८।०२।०१ गते
कपिलवस्तुमा अन्य जिल्लाहरुको तुलनामा पच्छिल्लो चरणमा कोरोनाको संक्रमण दर र मृत्यु दर तेजिलो गतिले बृद्धिभईरहदा अस्पतालमा अक्शिजन र बेडको अभावमा मानिसहरुको मृत्यु दर बढीरहेको थियो यसै बेला संबाद समूह कपिलबस्तुले २ वटा संस्था सनशाईन सामाजिक बिकास संस्था र यूनाईटृड मिसन टु नेपाल संग कोरोना कहरमा संघ संस्थाको भूमिका बिषयक छलफल यही बैषाख २६ गते छलफल गरेको थियो ।
छलफल पश्चात आज सनशाईन सामाजिक बिकास संस्थाले कपिलबस्तु अस्पतालका बिरामीहरुको लागी चाहिने अक्सिजन सहितको स्वास्थ्य सामग्री खरिदकोलागि १ लाख ११ हजार रुपैया को चेक हस्तान्तरण गरेको छ । संस्थाका अध्यक्ष राम सेवक यादवले कपिलवस्तु अस्पतालका नि. मे. सु. डाक्टर गणेश क्षेत्री र ब्यवस्थापक रत्नाकर शुक्ला लाई हस्तान्तरण गर्नु भएको हो ।
संस्थाको सानो सहयोगले पनि बिरामीहरुको घाउमा मलम लगाउन सकिने आशा संस्थाका अध्यक्ष राम सेवक यादवले गर्नु भएको छ । त्यसै गरि डा. गणेश क्षेत्रीले यस महामारीको बेला संस्थाले बिरामीहरुको स्वस्थ्य उपचारमा सहयोग गर्नु भएकोमा ध्न्यबाद ज्ञापन गर्नु भएको थियो ।
