कपिलवस्तु जागरण ।माघ १६,कपिलवस्तु

जनता समाजवादी पार्टी (जसपा) नेपालका नेता राम नेवास यादवले कपिलवस्तु–२ बाट प्रतिनिधि सभा निर्वाचनमा उम्मेदवार रहेका आफ्नो ९२ वर्षका बुबा खदेरु अहिर संग आशीर्वाद लिएर औपचारिक रूपमा चुनावी अभियान आज देखि सुरु गरेका छन् । उनका बुवाले आफ्ना छोरालाई आशीर्वाद दिँदै चुनावी यात्रामा विजयको शुभकामना दिएका छन्। यादव विगतका मधेस आन्दोलनमा फ्रन्टलाइनमा रहेर अधिकारको लडाइँमा अग्रस्थानमा रहेका नेता हुन्। चुनावी अभियान आज देखि सुरु गरेका यादव आफ्नो क्षेत्रको विकास, सुशासन,सामाजिक न्याय र जनजीविकालाई आफ्नो प्रमुख चुनावी एजेन्डा बनाएको बताउनु भयो

अगामि फागुन २१ गते हुने प्रतिनिधि सभा निर्वानलाई लक्षित गरेर जसपा नेपालले आफ्नो घोषणापत्र सार्वजनिक गरिसकेको छ, जसमा स्वतन्त्रता, समानता, सामाजिक न्याय, समृद्धि र समाजवादलाई पार्टीको मूल आदर्शको रूपमा प्रस्तुत गरिएको छ । घोषणापत्र अनुसार पार्टीले संविधान संशोधन, संघीय संरचना पुनर्संरचना, जातीय पहिचान झल्कने प्रदेश निर्माण, प्रदेश स्वायत्तता र समानुपातिक प्रतिनिधित्व सुनिश्चित गर्ने योजना आघि सरेको छ । यसैगरी शिक्षा, स्वास्थ्य, रोजगारी, कृषि, औद्योगिकीकरण, भ्रष्टाचार नियन्त्रण, बहुभाषिक नीति, युवा स्वरोजगार र मानव विकास सूचकांकमा आधारित बजेट वितरण पनि घोषणापत्रमा समावेश गरिएको छ। कपिलवस्तु–२ बाट प्रतिनिधि सभा निर्वाचनमा उम्मेदवार राम नेवास यादवले आम जनतालाई आफ्नो पक्षमा मतदान गर्न अपिल गरेका छन्।

यादवले जसपा नेपालले अघि सारेको मुद्दालाई ध्यानमा राख्दै आफूसँग पनि पार्टी र जनस्तरमा पहुँच बढाउने दाबी गरेका छन्।उम्मेदवार यादवले निर्वाचनमा आम मतदाताको अमूल्य मत पाउने विश्वास व्यक्त गर्दै क्षेत्रीय विकास र जनहितका लागि सक्रियतापूर्वक काम गर्ने वाचा गरेका छन्। कपिलवस्तु–२ मा अन्य प्रमुख उम्मेदवारहरू पनि छन्। नेपाली कांग्रेसबाट सुरेन्द्र राज आचार्य, माओवादी केन्द्रबाट बृजेश कुमार गुप्ता, र राष्ट्रिय स्वतन्त्र पार्टीबाट विक्रम सिंह थापाले प्रतिस्पर्धा गर्दैछन्।

कपिलवस्तु जागरण (राम बालक यादव)
कपिलवस्तुको मायादेबी गाउँपालिका वडा नं. २ अभिराँवमा लैंगिक हिंसा न्यूनीकरणका लागि महिला महिला बीचको ढकिय दौड प्रतियोगीता आज भएको छ ।लैंगिक हिंसा बिरुद्धको १६ दिने अभियान अन्तरगत उक्त दौडको प्रतियोगिताको आयोजना दलित सामाजिक बिकास केन्द्र द्धारा संचालित (सिवाईसीसी) परियोजनाको सहयोगमा भएको थियो । प्रतियोगिताको आयोजना स्थानिय लुम्बिनी यूवा समाजले गरेको थियो भने समन्वय प्रगतीशील युवा समाजले गरेको थियो ।

समाजमा भईरहेको बिभिन्न किसिमको हिंसालाई न्यूनीकरण गर्ने र महिलाहरुको क्षमता अभिबृद्धि गर्ने उद्धेश्यले महिलाहरु बीच ढकिया दौड आयोजना गरिएको कुरा परियोजना युवा संलनता सहायक अधिकृत परशुराम निगमले बताउनु भएको छ ।
प्रतियोगितामा संस्था द्धारा संचालित बिभिन्न आय आर्जन समूहका १२ जना महिलाहरुले सहभागी भएका थिए । प्रतियोगितामा सहभागी सबै जनालाई संस्थाले पुरस्कारको ब्यवस्था गरेको थियो । कपिलवस्तुको दक्षिणी क्षेत्रका महिलाहरुको लागी यो नौलो प्रतियोगिताको रुपमा रहेको कुरा युवा कल्बका अध्यक्ष शिवचन्द्र कोहाँरले बताएका छन् ।

दौड प्रतियोगितामा उर्मिला देबी कोहाँर प्रथम ,सुमित्रा चौधरी दुतिय , मिना कुर्मी तृतिय स्थान हाँसिल गरेका थिए । बिजयी तथा सन्तावना स्थान प्राप्त गरेका सबैलाई संस्थाले पुरस्कृत गरेको थियो ।
ढकिया दैड प्रतियागिता शिव चन्द्र कोहाँरको अध्यक्षता , वडा सचिव भिम नाथ शर्माको प्रमुख अतिथ्यता , अजय कुमार हरिजनको संचालन तथा सुनिता कुमारी कोहाँरको स्वागतमा सम्पन्न भएको हो ।

कपिलवस्तु जागरण
सनशाईन सामाजिक बिकास संस्था बुद्धभुमि कपिलवस्तु ले श्री कपिलवस्तु राष्ट्रिय माध्यमिक बिद्यालय चेतरादेईमा निर्माण गरेको कपिलवस्तु राष्ट्रिय बालकिास केन्द्रको भवन हिजो उद्घाटन तथा हस्तान्तरण गरेको छ । संस्था र स्टिचिंग कान्छी फाउण्डेशन नेदरल्यण्डको सहयोगमा निर्मित २ कोठे भवनको उद्घटन फाण्डेशनकी उपाध्यक्ष साने बोडव्युज ले गर्नु भएको हो । कार्यक्रम संस्थाका अध्यक्ष कृष्ण कुमार श्रेष्ठको अध्यक्षतामा सम्पन्न भएको हो । कार्यक्रममा बिद्यालय ब्यवस्थापन समिती , शिक्षक अभिभावक संघ , वडा प्रतिनिधी , शिक्षक, बिद्यर्थी लगायतको सहभागिता रहेको थियो ।

फाउण्डेशनले बिद्यालयमा गरिब बिद्यार्थी छात्रबृति ३५ जनालाई , बाउण्ड्री वाल र २ कोठे भवन निमार्ण गरेको छ । उक्त कार्यक्रमहरु ३२ लाख ५० हजारको लगानीमा सम्पन्न भएको कुरा संस्थाका अध्यक्ष कृष्ण कुमार श्रेष्ठले बताउनु भएको छ ।
त्यसै गरी संस्था र स्टिचिंग कान्छी फाउण्डेशन नेदरल्यण्डको सहयोगमा यशोधरा गाउँपलिका वडा नं. ८ खोरिया स्थित सरस्वती आधारभुत बिद्यालयमा पनि बाल बिकास केन्द्र निर्माणको लागी हिजो शिलान्यस पनि गरेको छ ।

उक्त शिलन्यास फाउण्डेशनकी उपाध्यक्ष साने बोडव्युज सनशाईन संस्थाका अध्यक्ष कृष्ण कुमार श्रेष्ठ वडा अध्यक्ष सहाबुदिन मुसलमान ब्यवस्थापन समिती अध्यक्ष र बिद्यालयका प्रधानाध्यापक रामबृक्ष यादवले संयुक्त रुपमा गर्नु भएको हो ।
संस्थाले अगामी बर्षमा अन्य ठाउँहरुमा बालबिकास केन्द्र निर्माण गर्नको लागी संभाब्यता अध्ययन समेत गरेको छ ।

संभाब्यता अध्ययनको क्रममा यशोधरा गाउँपालिका वडा नं. १ रजवापुर स्थित श्री रघुनाथ अधारभुत बिद्यालय पुगेको थियो । स साना बाल बालिकाहरुको शिकाईका लागी सुरक्षित बाल बिकास भवन निमार्ण त्यस भित्रका ब्यवस्थापकिय पक्ष र शिक्षण सामाग्री सहितको केन्द्र निर्माण गरी हस्तान्तरण गर्ने योजना रहेको कुरा संस्थाका समन्वयकर्ता परशुराम यादवले बताउनु भएको छ ।

मायादेबी गाउँपािलका न्यायिक समिती र मेलमिलाप कर्ताहरूकाे न्याय सम्पादनमा सहजता ल्याउनकाे लागि २ दिने तालिम पकडीमा शुरू भएकाे छ । मायादेबी गाउँपालिका भित्र भइरहने स सान बिवादहरूलाइ न्यायिक समिती र मेलमिलाप केन्द्रमै मिलाइ शान्ति स्थापना गर्ने उद्श्यले तालिमकाे अायाेजना गरिएकाे कुरा संस्थाका कार्यकारी निर्देशक शम्भु प्रसाद हरिजनले बताएका छन ।

तालिम चैत्र २४ र २५ गते संचालन हुनेछ । सनशाइन सामाजिक बिकास संस्थाकाे अायोजना ,यू.एम.एन.काे सहयाेग र पालिकाकाे समन्वयमा संचालन भएकाे हाे । तालिमकाे सहजीकरण दिनेश चन्द्र त्रिपाठीले गर्नु भएकाे छ ।