कपिलवस्तु जागरण
आज असार १५ गते नेपालमा धान दिवस मनाउने दिन । आज देशभरका स्थानिय तहहरुले धान दिवस मनाएका छन् । हरेक बर्ष कपिलवस्तुमा गौतम बुद्धको कृडास्थल तिलौराकोटको पुर्बी द्धारमा लुम्बिनी बिकास कोषले गौतम बुद्धको पालामा मनाउने धान दिवसको झल्को दिने गरी धानदिवस मनाई रहेको थियो । तर यस ताली लुम्बिनी बिकास कोषले शाक्य गणराज्य प्राचीन कपिलवस्तुको दरवार तिलौराकोट लाई उपेक्षा गरेको छ । रकम अभाव तथा पुर्ब निर्धारित कार्यक्रम तय न गरेकोले यस बर्ष धान दिवस मनाउन न सकेको कुरा कोषका प्रतिनिधी माधव आचार्यले बताउनु भएको छ ।
लुम्बिनी बिकास कोषले उपेक्षा गरेपनि कपिलवस्तु नगरपालिकाले पहिले पटक आज २२औं राष्टिय धान दिवस तथा रोपाई महोत्सव मनाउने अवसर प्राप्त गरेको छ । कपिलवस्तु नगरपालिका वडा नं.३ तथा शाक्य गणराज्य तिलौराकोट दरबारको पुर्बी क्षेत्रमा आज धान दिवस मनाईएको हो । कपिलवस्तु नगरपालिका वडा नंं.३ सड्वाका अगुवा कृषक राम नेवास यादवको संयोजकत्वमा कपिलवस्तु नगरपालिकाले पहिलो पटक धान दिवस मनाएको हो । एक औपचारिक कार्यक्रमको आयोजना गरी खेतमा धानको बिउ रोपेर दिवस मनाईएको छ ।
कृषक रामनेवास यादवको अध्यक्षतामा भएको धान दिवस कार्यक्रमको प्रमुख अतिथीमा प्रमुख जिल्ला अधिकारी दिल कुमार तामाड.रहनु भएको थियो । त्यसै गरी अन्य बिशिष्ठ अतिथीमा नेपाल प्रहरीका प्रहरी प्रमुख एसपी निरन्जन भट्ट, शशस्त्र प्रहरी बलका प्रमुख नेत्र के.सी. वडा अध्यक्ष रुद्र (प्रकाश गैरे) लगायत रहनु भएको थियो । कार्यक्रममा किसान , सरकारी तथा गैरसरकारी संघ संस्थाका प्रतिनिधी , संचारर्मी लगायतको सहभागिता रहेको थियो । कार्यक्रमको औपचारिक उद्घाटन पछि सबै सहभागीहरुले खेतमा गई धानको रोपाई गरेका थिए ।