कपिलवस्तु ताैलिहवा चैत्र ११ः
आज ताैलिहवामा भएको यादव समाजको भेलाबाट राधेश्याम यादवको अध्यक्षतामा २२ सदस्यि गोपाल सेवा समिती गठन भएको छ । समितीको उपाध्यक्षमा शाधुसरण यादव, सचिवमा दिवाकर यादव र सह सचिवमा सवाँरे यादव सहित २२ सदस्यि समिती गठन भएको हो ।
कपिलवस्तु नगरपालिकाको सभाहालमा भएको यादव समाजको भेलाबाट उक्त समिती गठन भएको हो । भेलाले तीन सदस्यीय संरक्षक समिति र दुई सदस्यीय सल्लाहकार समितीको पनि चयन गरेको छ । संरक्षक समितीमा पुर्ब मन्त्री शहसराम यादव र पुर्ब राज्य मन्त्री शुष्मा यादव र पुर्ब गा.बि.सचिव यज्ञराम यादव रहेका छन् भने सल्लाहकारको रुपमा शिक्षक तुलसीराम यादव र बिन्दराज यादव रहेका छन् ।
भेलाले यादव जातिको शिक्षा , स्वास्थ्य ,पेशा , अधिकार र संस्कृतिको संरक्षण गर्दे राजनितिक क्षेत्रमा पहुँचमा अभिबृद्धि गर्ने उद्धेश्य लिएर अगाडी बढ्ने बताईएको छ । भेलाका बक्ताहरुले समिति नितान्त रूपमा जातीय उत्थानका निम्ति समुदायको शिक्षा, स्वास्थय, समाजिक भेदभाव, प्रथा र परम्पराको नाममा बढेको कुरिती कुसंस्कारमा व्यापक रूपमामा काम गर्नुपर्ने बताएका छन साथै संस्था कसैको राजनीतिक विचारधारमा काम गर्न नहुने समेत सचेत गराएका थिए ।
भेलामा समाज सेवी राम अचल यादव ( स्वामी जी ) , शिवलाल यादव लगायत जिल्लामा नेतृतव गर्ने अन्य यादवहरुको सहभागिताका साथै रुपन्देही जिल्लाका गोपाल सेवा समितीका सदस्य र शुभचिन्तकहरुको बाक्लो उपस्थिती रहेको थियो ।