कपिवस्तु जागरण ।।
ताैलिहवा २८, आर्या बचत तथा ऋण सहकारी संस्था लि. कपिलवस्तुको तेह्रौ बार्षिक साधारण सभा सम्पन्न भएको छ । कार्यक्रममा आर्या बचत तथा ऋण सहकारी संस्था लि. का अध्यक्ष प्रकास घिमिरेको अध्यक्षता र लुम्बिनी प्रदेश ग्रामीण पर्यटन विकास राज्य मन्त्री रिना नेपालको प्रमुख आतिथ्यता रहेको थियो । कार्यक्रममा आर्या बचत तथा ऋण सहकारी संस्था लिमिटेडको को २०७७ श्रावण देखि २०७८ अषाढ मसान्त सम्मको आय (नाफा नोक्सान) विवरण सार्वजनिक गरिएको थियो ।
प्रमुख अतिथी नेपालले आर्या संस्थामा महिलाको सहभागिता बृद्धि गराई आगामी दिनमा अझ जोस र जागरका साथ अगाडी बढ्न सुझाव दिनुभएकाे थियाे । समुदायमा रहेका साना व्यवसायी तथा किसानहरुलाई सहज रुपमा ऋण प्रदान गरी ब्यतिको आय आर्जनमा टेवा पुर्याएकोमा आर्या बचत तथा ऋण सहकारी संस्थालाई धन्यवाद दिनुभएको थियो ।
कार्यक्रममा असल बचत कर्ता,असल ऋण कर्ता साथै असल कार्यकर्तालाइ समेत सम्मान गरिएको थियो । कार्यक्रमको समापनको क्रममा बोल्दै अध्यक्ष्य प्रकाश घिमिरेले अबको सहकारी पैसा बचतको काम मात्रै नभएर गरिब तथा पिछडिएका महिलाहरुलाई आय आर्जन बढाउने काम गर्ने प्रतिवद्धता जनाउनु भयाे । सेयर सदस्यहरूकाे यस्तै सहयाेग रहिरहे केही बर्षमै नमुना सहकारी बनाउने उदज्घाेष गर्नभयाे ।
कार्यक्रममा क.व.न.पा. वडा नं -१ अध्यक्ष्य सुदिप पौडेल, वडा नं २ अध्यक्ष रावभजन कलवार, वडा नं ३ का अध्यक्ष प्रकाश गैरे, समाज सेवी राजु प्रसाद अर्याल, उद्योग वाणिज्य संघ अध्यक्ष्य गयादिन कुर्मी, पत्रकार महासंघ कपिलवस्तुका अध्यक्ष्य किरण मान बज्रचार्य, रेडियो कपिलवस्तुका रोमलाल खनाल लगाएतको उपस्थिती रहेको थियो । कार्यक्रमको संचानल आर्या बचत तथा ऋण सहकारी संस्था लिमिटेडका सचिव कृष्ण मोहन शुक्लाले गर्नु भएको थियो ।